Tuesday, April 5, 2016

እያየን ዝም የማንልባት አገር ታስፈልገናለች! ‪Minilik Salsawi (ምንሊክ ሳልሳዊ)


እያየን ዝም የማንልባት አገር ታስፈልገናለች! ‪#‎Ethiopia‬ ለዚህ ደሞ መድሃኒቱ መታገል ነው::
ጅራፍ ራሱ ገርፎ እራሱ ሲጮህ የማናይባት አገር ታስፈልገናለች! ............... ታስፈልገናለች!
ሕግ ለሁሉም እኩል የሚሰራባት አገር ታስፈልገናለች! ሟርት የማይበዛባት አገር ታስፈልገናለች!
ድካማችን ሁሉ የእንቧይ ካብ፣ የእንቧይ ካብ የማንልባት አገር ታስፈልገናለች! ታስፈልገናለች! 
በአንድ ሰሞን ዘመቻ ብቻ አገር ይለወጣል ከሚል አስተሳሰብ የፀዳች አገር ታስፈልገናለች!
ራሱ ሰርቆ አፋልጉኝ ይላል እንደተባለው አይን-አውጣ ሌባ እያየን ዝም የማንልባት አገር ታስፈልገናለች! 
ባንድ በኩል የራሳችንን ድምፅ ብቻ መልሰን ለማዳመጥ ዝግጁ ከሆን፣ በሌላ በኩል እኔ ያልኩትን ብቻ አዳምጡ ካልን፤ የትላንትናን ዜማ ብቻ የምንደግም ከሆነ፤...........ዲሞክራሲን፤ ፍትሐዊነትን፣ መልካም አስተዳደርን፣ እውነተኛ ምርጫን፣ እኩልነትትን፣ ዲፕሎማሲን፣ ለማግኘት አያሌ አመታትን አሳልፈናል፡፡ እንደ አፍ እንደማይቀልም፣ አውቀናል፡፡ ተገንዝበናል፡፡ አንድም የራሳችንን የሽኩቻ ባህላዊ አሽክላ በቀላሉ ለመላቀቅ ባለመቻል፤ አንድም ደሞ ከውጪ የሚመጣብንን ጫና ለመመከት ባለመታደል፣ ጠንክረን ዳር የመድረስ ነገር የህልም ሩጫ ሲሆንብን ከርሟል፡፡
የማይወራ ወሬ፣ የማይሰደብ ስድብ፣ የማይቀርብ ሃሳብ የለም፡፡ ችግሩ ግን ወሬ የትም አያደርሰንም፡፡ እፎይ ያሰኘናል - ከምን? ከትግል! በወሬ ወጣልና! ልክ ልካቸውን ነገራቸው! ብለን ለጥ ብለን እንተኛለና! ይሄ አንድ እርግማን ነው! በወሬ መፈታት ማለት ይሄ ነው! ተግባር እንጂ የወሬ ነፋስ የትም፣ መቼም አይበጀንም፡፡ ..... እያየን ዝም የማንልባት አገር ታስፈልገናለች! Minilik Salsawi (ምንሊክ ሳልሳዊ)

No comments:

Post a Comment