Tuesday, June 28, 2016

The 25 years of absolute dictatorship (Biniam Mulugeta from Norway.)

The Tigray people liberation front [ TPLF ] ruled the country with absolute dictatorship and its administrative system is ethnic based federalism. TPLF rule the country with lies and fabricated stories for the last 25 years. This minority group control the country's mass media fully and spread lies through radio, newspaper and television. Human rights violation, harassment and media jamming are common in Ethiopia today. The international community is aware of the human right violation in different part of Ethiopa by the brutal and bully regime TPLF.  Free press or mass media can act like a bridge connecting the people with the government. It helps both the people and the government exchanging suggestions and comments from the people to the government and from the government to the people as well. The benefit of these free medias are uncountable for the development of the country. But to the opposite the TPLF regime eradicated all the free press that criticized the regime by means of imprisonment and torture. Today all these free presses are live in exile.
Due to the lack of free press in Ethiopia, people have no access to information about what is happening in their country. All medias in the country that the regime called them free medias are not free  they are the mouth of the regime. All the journalists in the country that have tried to work properly threatened and lebeled as terrorists. It is the government's duty to play a great roll for the development of the country's press and media. The development of the country's media lead the country to modern working system, openess and acountability.  If we try to see the TPLF's useless constitution, it gives right to the citizen to express their opinion freely but at the same time this minority group never allowed the people to use their rights in practice.
This minority group steal, kill and oppresses, at the same time they close and suspend all the newspaper, magazine and block the wab pages which tries to reveal their crime to the people and international community.  In one developed country there is at least one qualified media that serves the people.
The people of Ethiopia know that they have a right to information about what is going on in the country and it is the government's duty to implement this. But unfortunatly the regime forced the people to live in out dateted and backward system. As a result of the lack of information today the people live in darkness, ignorance and fear. One of the methods that TPLF used to block freedom of expression is by decreeing new laws and prohibit the right to express or speak and throw to jail those who violate the law. The other method is that the regime spends millions of dollars for hijacking and hacking web pages that reveal their crime, corruption and racism. They also spend unpresented amount of money to hire writers who can spread lies and propaganda. There is nothing this minority group will not do in order to prolong their power. This minority group uses facebook for their evil work. They hire people who can provide more than one  accout on facebook and spread hatred amongs of different ethnic groups. This minority group is very busy dividing the people of Ethiopa with ethnic, langauge and fabricated stories. The regime used many different people in different social medias and spread propaganda that supports this ruthless minority group. These unidentified people divert conversation topics, humiliate and degrade the dignity of the opposition members, spreading baseless information about the opposition members and soiling their name with fabricated stories is the main work of the current oppressive minority group. All these things come from the deep rooted fear of the current minority group who call himself a government. Due to all this reason the regime forced to spend billions of dollars to extend their power and the expenses covered by the  poor people of Ethiopia. The government had to supply food, medicine, clothes and shelter for more than 20 millions of people who are affected by famine  but rather than doing this, the regime hired infidel riots that can destabilise and destroy the country once and for all. This is their hiden agenda that they will not sleep until they see their dream come true. This minority group uses the country's income for jamming different political parties web page, magazines, blogs, media and break down internet address like facebook and twitter. They spend millions of dollars for high technology that enables them to break down the opposition parties secret information and they use it  as an evidence when they accuse the opposition party members to the high court. Not only this but they add information in to the opposition parties web page and e-mail address also hoping that these parties lose credibility. During high court process TPLF used a number of fabricated informations and stories that are far from the truth made the fate of many highly educated citizens unknown. Others who are afraid of this ruthless minoty group persicuted to abroad looking for peace but many of them end up in desert and mediterranean sea. As a result of this the life of many Ethiopians who live abroad today live in anxiety, shame and deep fear. This shows that Ethiopia has no responsible government that stands for the right and dignity of its people. The identity of this minority group is to block all parties by all means that create problems to thier oppressive leadership. They release prisoners that have nothing to do with politics whenever they think it is important for the benefit of thier cheap political advantages from the international community. There is no one who are not blocked. Everyone who is obstacle for this minority group will be stoped, killed og throw in to prison for lifetime. There are a few educated citizens who are immoral and stands by this ruthless minority group. These citizens are trying to maintain this rootless government stand with its feet again but at the end of the day there is no doubt that they will remain empty hand.
Ethiopia will not be destroyed by those ethnic apartheid leaders and their supporters who are working day and night promoting ethnic hatred, inciting ethnic cleansing and their hidden agenda to disintegrate of Ethiopia but by those majority of Ethiopians from every ethnic and religious groups who are watching the TPLF/EPRDF destroying our society without doing anything.
The countless crisis in Ethiopia must be solved by the true Ethiopian people and the beginning of that solution is for Ethiopians to see what they have in common rather than how they differ that means seeing the humanity of others not their distinctions.
Divisions usually start following some negative actions or worse; when evil acts are committed against others. To resolve these deeply held offenses, at some point we must talk each other not about each other and admit it to ourselves and others our own part so we can reconcile and move forward.
May God awakened and raise the consciousness of Ethiopians who are sleeping through a just revolution to defend human rights, freedom, justice, equality and prosperity for all. TPLF/EPRDF is a collection of a few mafia group who never represents the whole tigrian people.  This minority mafia group who lead the country for 25 years will surely overthrow in the hands of a corporate true Ethiopian people.

Long live for Ethiopia!!!

Friday, June 24, 2016

የፖለቲካ አክሮባት አቅጣጫን ለማሳት፤ የፕሮፓጋንዳ ግብዐት፤ ውሸትን ለመንዛት ፤ ( የፍኖተ ራዲዮ ወቅታዊ ሀተታ )

የፖለቲካ አክሮባት አቅጣጫን ለማሳት፤
የፕሮፓጋንዳ ግብዐት፤   ውሸትን ለመንዛት
ባለፈው ሳምንት፤ እንደልማዳቸው፤ የሻዐቢያና የወያኔ አበጋዞች፤ የፕሮፓጋንዳ ኩዴታ አካሂደው ጊዚያዊ ውዥንበር ለመፍጠር ሞክረው ነበር ።  ሊወናበድ የሚፈልገው ሁሉ  ስለተወናበደላቸው ፤ ምናልባት ፤ ጊዚያዊ  ስኬት እንዳገኙ  ቆጥረውታል።  ሆኖም፤ ከሰሞነኛ ወሬ ሊያልፍ የሚችል እርባና ግን አላመጣላቸውም። የሁለት  ወንድማማች ዜጎችን  አብሮነትን  በማፋለስ የአካባቢ ሠላምና መረጋጋት እንዳይኖር ማድረግ፤ ከሕዝብ የሚመጣባቸውን አደጋ ለመከላከል ይረዳናል ብለው አስበው ከሆነ፤ ያም፤ አልተሳካላቸውም ።  ዜጎችን  እያጋጩና እያለያዩ  መቀጠል  ለሥልጣናቸው  ማራዘሚያ ዘዴ ሊጠቀሙበት  መከጀላቸው እንደሆነ ከማንም የተሰወረ አልነበረም።  ሻዕቢያዎቹ 200  የወያኔ  ወታደሮች ገድለን፤  ከሦስት  መቶ  በላይ  ወታደሮችንም  አቁስለናል   ብለው  ቢለፍፉም ፤  ወያኔዎቹ ግን   " በቆረጣ ውጊያ የሚችለን የለም። " ከሚሉት የጉራ ደንፋታ ያለፈ መግለጫ ሲሰጡ አልተደመጡም።
 በቆረጣ ውጊያ፦---
 ደርግን ወግተነዋል።
ሻብዕያን፤ አግዘን ጀብሃን ገጥመነዋል ።
ዐረቦች ነን ብለን ዐረብ አታለናል።
ምሥራቁን ሸውደን  ለምዕራቡ ሰግደናል፤
የዐማራን ቅስም ሰብረን፤  ደቡቡን  ገዝተናል ።
"ሀገር ተወረረ፤ ብለን ቀልደናል፤
 ዳር ድንበር ተጣሰ፤ ብለን ሸውደናል፤
 ክተት አዋጅ ! ብለን  ህዝብ  አጭበርብረናል፤
 ሀገር  ለማታለል ብቃት አሳይተናል፤
የመጣው ቢመጣ ማን ያስለቅቀናል ?
ምዕራቡ እያለ፤  ማንስ ይደፍረናል ?
ሰጥ ለጥ ብለህ  ብትኖር ይሻለሃል ። "
በሚል ሥነልቦናዊ ህዋው ውስጥ  በሚኖሩ ገዥዎች ስር ያለች ሀገር ሆናለች ።  የዛሬይቱ ኢትዮጵያ !

 ሆነም -ቀረ፤ በሁለቱም ወገን የሚያልቀው ዜጋ፤ ሁላችንንም ያሳዝነናል።  ያሳስበናል። ያስቆጨናል። ያለፈው ደም መፋሰስ ይበቃ ነበር ! ሁለቱም፤ ወንድማማች  ሕዝብ ናቸው። የልጆቻቸውን ሬሳ እየቆጠሩ- እየቀበሩ ሊኖሩ አይገባም። ወደፊት በአብሮነት የተሻለ ዕድል ፤ ሠላምና  ብልፅግና  ይጠብቀናል ብለው  ይመኛሉ። ይጠብቃቸዋልም !  ያላስፈላጊ  ጦርነትና  ዕልቂት ፤ መቆም  ይገባዋል !  ይኽ የቆየ ርግማን ፤ አንድ ቦታ መቆም አለበት።  ጦርነትና ፍጅት፤ ለሚቀጥለው ትውልድ ሊተላለፍ ከቶ አይገባውም !
በአካባቢያችንም ሠላምና ፀጥታ ሰፍኖ ዜጎች መልካም ህይወትን እየኖሩ እንዲኖሩ እንፈልጋለን።  የዚህ ፍላጎታችን መሠረቱ ግን  የዴሞክራሲ  ሥርዓት መስፈን እንደሆነ እናውቃለን። ያ ደግሞ እስካሁን ደረስ ዕውን ሊሆን አልቻለም ።  ሊሆንም አይችልም ። ምክንያቱም፤ በሁለት አምባገንን ሥርዓቶች  በሥልጣን ለመቆየት መርበትበት  ምክንያት፤ የሚደረገው ጥፋት፤ የዴሞክራሲን ሥርዓት ለማምጣት ስለማይችል ነው።  አምባገነን  ሥርዓትን፤ ሁሉም ዜጋ  የሚያወግዘው  ነው።  የሚያውግዙት ሁሉ ግን ፤ በውግዘት ብቻ አይወገድም።  ውግዘት፤ ማስወገድን  ካላስከተለ፤ የሚያወግዙት ሁሉ፤ እንዲሁ አይጠፋም። የሚያወግዙትን ካላጠፉ ደግሞ፤  የገዥዎች ፕሮፓጋንዳ ሰለባ እየሆኑ፤ መኖር ነው። ያ ደግሞ፤ መኖር ሳይሆን፤ ህይወት ዐልባ መሆን ነው። ህይወት ዐልባ ከተሆነ፤ ታዲያ፤ ለተተኪው ትውልድ፤ ማን፤  ምን  ማውረስ ይቻላል ?  ኢትዮጵያ፤  አውራሽና ወራሽ፤  አስረካቢና ተረካቢ፤ የሌላት ሀገር  እየሆነች  መምጣቷ አሳሳቢ ጉዳይ ሆኗል ።
 " ሙታንን፤  ሙታን ይቅበሯቸው"  እንዳንባል፤ ገዳዮቹን አጥፍተን ፤ ሀገራችንን ኢትዮጵያን  በህይወት እንድትኖር ማድረግ አለብን  !
ከጎጅ ሥርዓት ለመገላገል ሲባል፤ ሀገሩን እየጣለ የሚሄደው ወጣት ሁሉ፤ ገሀነመ-ዕሳት ውስጥ እየገባም ቢሆን፤ ስደትን መርጧል።  ባለፈው ሳምንት ብቻ ቁጥራቸው  በውል ያልታወቀ ኢትዮጵያውያን ወጣቶች፤ በዕቃ መጫኛ የጋለ በርሜል  (Container)  ውስጥ ተደብቀው በመግባት ለማምለጥ ሲሞክሩ፤ ታፍነው መሞታቸው የዓለም ዐቀፍ የዜና አውታሮች መርዶ አሰምተዋል። ይህ መርዶ  የተሰማው በአንድ አካባቢ ስለሞቱት ወጣቶች ብቻ እንጂ፤ በተለያዩ አካባቢዎች፤  ተመሳሳይ አደጋ የሚያጋጥማቸውን ኢትዮጵያውያንን ቁጥር ማወቅ ከቶ፤  የሚቻል አይደለም ።  
ይህ አሳዛኝ ዕድል ፤ በኤርትራውያን  ወጣቶችም  ላይ  እየተፈፀመ  እንደሆነ  የዘወትር  መርዶ  ( መርድዕ ) መሆኑ  እንደቀጠለ ነው ።  የሀዘናቸው   ተካፋዮች  ነን ።  ወንድሞቻችን-  እህቶቻችን  ናቸውና ! ሻዕብያዎቹ ፤ ይህንን ሲሰሙ ፤ " አብ ሀውይ እተው !   "  ዕሳት ወስጥ ግቡ "  እንደሚሉ  ይሰማናል ። ከእነርሱ፤ ከዚህ የተሻለ አይጠበቅምና  አንገረምም !   ረጋሚዎቿ  እየረገፉ፤ ኢትዮጵያ  ግን ፤ ዘለዓለማዊት ሀገር መሆኗን  ትቀጥልበታለች  !
 ይኽንን የወጣቶችን  ህይወት  መጥፋትም ሆነ፤  ሌሎች ተመሳሳይ  ወንጀሎችን ለመደበቅ ታስቦ፤  የወያኔና የሻዕብያ ተላላኪዎች፤ ባለፈው ሣምንት፤ በናይሮቢ  ከተማ፤ ከአንዲት የኬንያ ቴሌቪዚዮን ጋዜጠኛ ጋር ቃለ- ምልልስ ተለዋውጠዋል።  የተጠየቁትን መመለስ አቅቷቸው፤ እጅግ በሚያሳፍር መልኩ ያልተጠየቁትን ሲቀባጥሩ ታይተዋል። እንኳንስ ተመልካቹ፤  ጋዜጠኛዋም ሳትቀር፤ አፍራለች።   "አምባሳደሮች "  ናቸው ተብለው የቀረቡት እነኝህ ሁለት ሰይፈ-ጃግሬዎች፤ የዲፕሎማት ስብዕናም ሆነ የዲፕሎማቲክ ችሎታና ዕውቀት  እንደሌላቸው  በግልፅ አሳይተዋል ።  የዲፕሎማቲክ ቋንቋም ሆነ አነጋገር ሳይሆን፤ የካድሬ  አብዚሎ - ቀብዚሎ ፤ ጫጫታ አሰምተው ነው  የሄዱት ። እንኳን ሌላው ቀርቶ፤ አለቆቻቸውም ሳያፍሩባቸውም አልቀሩ ። ምክንያቱም እነርሱንም ሳይቀር አጋልጠዋቸዋልና !
 " አስቀድሜ ባለማወቄ ፤ ነው። "  ወይም፤  " ሌሎች አሳስተውኝ  እኮ ነው  ። " የሚል ሰበብ፤ ከታሪክ ተጠያቂነት አያድንም ።  በታሪክም ሆነ፤ በህግ ፊት፤ ሁሉም በየፈርጁ የየግል ተጠያቂነት አለበት። በስውርም ሆነ በግልፅ፤ በጋሪዮሽም ሆነ በግለሰብ፤  በመንግሥት ደረጃም ይሁን፤  በግል  የሥልጣን ሽፋን የተፈፀመው  ወንጀል ሁሉ፤ ጊዜው ሲደርስ መጋለጡ አይቀርምና፤ ከሕዝብ ቁጣና ቅጣት ማምለጥ አይቻልም ። ታዝዤ- ተገድጄ  ነው ይህንን ወንጀል የፈፀምኩት ማለት አይቻልም ። አዛዡም -አስገዳጁም ፤ ከተገደደውና  ከታዘዘው  ጋር ሆኖ፤ በአንድ ቁና አብሮ  መሰፈሩ አይቀርም ። ይኽ ደግሞ ፤  የህግ ፍልስፍና  መሠረታዊ መርህ ነው። 
የዛሬ 26 ዓመት በሎንዶን ከተማ ከኢትዮጵያ ሕዝብ በስተጀርባ የተፈፀመው፤ ሀገራዊ ክኅደት፤ አሁንም፤ በአደገኛ ሁኔታ ሀገራችንን እያጠፋ ይገኛል። ወንጀሉም እንደቀጠለ ነው። የሎንዶኑን ጎባዔ ያዘጋጁት በዕዳንና ተባባሪዎቻቸው፤ ሀገራችንን ወደጥፋት  አዘቅት እንደጨመሯት አልተገነዘቡትም። ጉዳያቸው አይደልምና ! ኢትዮጵያ ሀገራችን እየተጠራሞታች ብትሆንም፤ ጨገሬታው ግን አለ። ዕስትንፋሷም በቀላሉ ፀጥ የሚል አይደለም። ኣጥፊዎቿ ግን እየጠፉ ናቸው።  ማስረጃ ፦
1 በ1960 ዎቹ (እ አ አ) የግብፅ መሪዎች ፦  ጋማል አብደል ናስር፤ አብደል ሀኪም ዐመርና አንዋር ኤል ሣዳት  ካይሮ ላይ ተገንጣዮቹን ስብስበው  ጀብሃን መስርተው ኤርትራን  ለማስገንጠል መሠረት ጣሉ። እነርሱ ግን ጠፉ። ለጥቂት ጊዜያት በካይሮ ሥልጣን ጨብጠው የነበሩት የሙስሊም ወድማማቾች በገሃድ በኢትዮጵያ ላይ ሲዶልቱ በቴሌቪዥን መስኮት ታይተው የነበሩት ባለሥልጣናትም የዚሁ እጣ ተካፋዮች ሊሆኑ በቅተዋል።  ሀገራቸው  ግብፅም፤ ዛሬ በምን ሁኔታ እንደምትገኝ  መዘርዘር የለብንም ። ለሁሉም ግልፅ ነውና !
2.  የሊቢያው መሪ የነበረው ፤ ሙዐመር ኻዛፊ በበኩሉ፤  ኢትዮጵያ እንድትዳከምና ኤርትራ እንድትገነጠል እድሜውን ሙሉ ድክሟል።  በመጨረሻ ራሱን ማዳን አቅቶት ተዋርዶ ጠፋ። አይሞቱ- ሞት፤ ሞተ ። በተለይ ደግሞ፤ ሻለቃ አብደል-ሠላም  ጃሉድ የተባለው የካዛፊ ምክትል የነበረ ሰው፤ ከፍተኛ ሚና እንደተጫወተ፤ ጉዳዩን በቅርብ  የተከታተለው ሁሉ የሚያውቀው ነበር።   ሊቢያም ዛሬ እንደ ሀገር መቅጠል አቅቷታል። ሕዝቧም እርስ በእርሱ  ከመፋጀቱ ሌላ የክርስትና እምነት ባላቸው የግብፅና የኢትዮጵያ ስደተኞች ለአንገት መቀላት መዳረጋቸውም የሚታወስ ነው።  
3. ኢራቅና ሦርያ ፤ ኢትዮጵያን በመጎዳት በኩል ተዘርዝሮ የማያልቅ በደል ፈጽመዋል ።  ተገንጣዮቹን፤  በማሰልጠን፤- የደፈጣ ውጊያ  በማስተማር፤ የገንዘብ፤ የቆሳቆስ፤ የዲፕሎማቲክና የፖለቲካ ርዳታ ሁሉ ለግሰዋል።  ዛሬ ሦርያና ኢራቅ ያሉበትን ሁኔታ ዓለም ሁሉ ስለሚያውቀው ፤ ያንን በመዘርዘር  መድከም የለብንም።
4. የቀድሞዎቹ የየመን መሪዎችም፤ አቅማቸው  የፈቀደላችውን ሁሉ በማድረግ ፤ ለኤርትራ ተገንጣዮች ትብብር አድርገዋል። ዛሬ የመን እራሷ እንደ ሀገር መቆየት እንኳ አልቻለችም 
5. ሳውዲ ዐረቢያ ፤ ኻታር፤ ዐረብ ኢሚሬት ፤ ኦማን፤ ባኅሬን፤ የፔትሮ ዶላር ሀብታቸውን ለኤርትራ መገንጠል አፍስሠዋል። ሀገራችንን ጎድተዋል ። ይዘገያል እንጅ በሰፈሩበት ቁና መሰፈራቸው ግን አይቀርም 
6.  ጎረቤታችን ሱዳን  በበኩሏ፤ ኢትዮጵያ እንድትበታተን ያደረገችውን ሁሉ ለመዘረዘር ቦታ አይበቃንም ።   " በመስታዎት ቤት ውስጥ የሚኖሩ፤ ድንጋይ ለመወርወር ፤ የመጀመሪያዎቹ መሆን የለባቸውም፡፡ "   የሚለውን ይትብኃል ባለማወቃቸው፤  የሱዳን  መሪዎች ደቡብ ዱዳን ሲገነጠል ዐይናቸው ጉድ አይቷል ። የምሥራቁን ግዛታቸው  ዳርፉርን መቆጣጠር አልቻሉትም ።  ኢትዮጵያን ያስገነጠሉ ሁሉ እነርሱም መገንጠላቸው አይቀርም  !
ይኽንን ሁሉ የምንጠቅሰው፤ "ኢትዮጵያን የበደሉ/የሚበድሉ ሁሉ ዋጋቸውን ያገኛሉ።" ከሚል የግብዝነት-ስሜታዊ አነጋገር " እንዲመስል አይደለም። ሀገራችንን ከውጭ የሚቃጣባትን ጥቃት ለመከላከል እስካሁን ድረስ የረባ ሥራ አለመፈፀማችንን ለመጠቆም ነው።  ወደፊትም፤ በዚህ አኳያ የሚጠብቅብንን መፈፀም ካልቻልን፤ የቀረችዋን ኢትዮጵያን ለማዳን ምንም ዋስትና እንደሌለ፤ መረዳት ይገባናል። ስለ አለፈው ምፀት ብቻውን ዋጋ አይሰጠንም።  " ያለፈው ቅራና ፤ የሚሚጠው መጭኛ " መሆኑን መርሳት አይገባንም ።
የወያኔ የነፈሰበት ፕሮፓጋንዳ  ቲያትር፤ ፤ የተበላ ዕቁብ ፖለቲካ ጨዋታ ፤ ብዙ ምዕራፍ የማያስኬድ  መሆኑን ተረድተን፤  ኃይላችንን በማስተባበር የአገዛዙን አምባገነናዊ ሥርአት ማስወገድ መቻላችንን በተግባር ማሳየት አለብን።
ኢትዮጵያ ለዘለዓለም ትኖራለች  !             

Monday, June 20, 2016

በፍኖተ ራዲዮ የተነበበ ሀተታ (ያልተባበረ ተጠቅቶ ቀረ !)

                                ያልተባበረ ተጠቅቶ ቀረ !
የተፈጥሮና   የታሪክ ሂደት ነውና ፤ ያረጀ ያፈጀው እየሄደ፤  በአዳዲስ ክስተትና ትውልድ መተካቱ የሚቀር አይደለም ።   እንደ ማቱሳላ፤ 900 ዓመት  ለመኖር በመመኘት፤  ዕቅድ  አውጥቶ የሚንቀሳቀሰው ሁሉ፤  ባላሰበውና ባልተዘጋጀበት  ወቅትና ፍጥነት  እንዳልሆነ ሆኖ ይወገዳል ። ኅልውናው ይከስማል።  ደብዛው   ይጠፋል።  መቃብሩ ይፈልሳል ።   በህይወት ዘመኑ፤ ባሳየው ድርጊትና  ምግባር፤ ታሪኩ ይወሳል ይሞገሳል፤ ይከበራል።  ስሙና ታሪኩም ከመቃብር በላይ ህያው ሆኖ ይኖራል።
ይህ ዕድል  የተነፈገው ደግሞ፤ ይነቀፋል፤ ይወቀሳል ። ይረገማል።   " ሲራክ በመግባሩ ጠፋ መቃብሩ  "  ስለሆነ ፤ ስሙ ከነመግባሩ ይጠፋል   
   "  ምንም ትቢያ  ቢሆን  አፈሩ ቢያለብሰው ፤
      ስሙ አይቀበርም  መልካም የሰራ ሰው ! "    የተባለውን  መውድስ -ቅኔ አያገኝም ።

 ካለፈ በኋላ፤ በጥሩም ይሁን በመጥፎ  የሚታወስበት ታሪኩ የሚወሰነው ፤  በሕይወት ዘመኑ በፈፀመው ድርጊትና ባሳየው ምግባር  ነው። ይህንን ዕውነታ ተገንዝቦ  መቆየት፤ ምንኛ በልኅነት ነው? ነገር ግን፤  " ሰው  ስጋ-ለባሲ በመሆኑ"  የዕለቱን ጥቅም እንጅ፤ የኋላውን ማየት አይሞክርም   በአመዛኙ አይሆንለትም ።
" አወይ የኔ ነገር ጤፍ ይዤ በወንፊት፤
  ልብ በኋላ እንጅ አይገኝ ወደፊት    "
የሚባለው ስንኝ   የተቀረፀው ፤ የኋላ-ኋላ  የሚከሰተውን   ፀፀት  ለማስታወስ  ይመስላል 
የመንግሥት ሥልጣን ይዞ፤ ሀገር  የጎዳና ሕዝብ የበደለ ሁሉ፤  የሰራውን አውቆና ተግንዝቦ በጊዜው እራሱን ከዚህ ድርጊት   ካላሸሸ፤  የሚጠብቀውን መጠበቅ አይሆንለትም። ለጊዜው  በልቼ፤  ጠጥቼ ፤ ተደስቼ፤ ገዝቼ- ነድቼ፤ አመሮብኝ ፤ አልፎልኝ፤ ብሞት ግድ የለኝም  የሚለው አስተሳሰብ ፤በቅርብ ጊዜ የተፈራረቁት   የኢትዮጵያ  ገዥዎች የጋራ  ዕምነት ሆኖ ቀርቷል ። አለመታደል ነው ! 
የመንግሥት ሥልጣን የያዘ ቀርቶ፤ የቤተሰብን  ኃላፊ የተሸከመም  እንኳ  ቢሆን፤ ለልጆቼ፤  ለልጅ-ልጆቼ  ብሎ  ማሰብ ተገቢ ነበረ።  ከእኔ በኋላ፤ የሀገሬ  ዕጣ -ፈንታ፤ ምን  ሊሆን ይችላል ? የሕዝቤስ ሁኔታ እንዴት ይሆናል ? ብሎ  አለማስብ፤  " እኔ ከሞትኩ ስርዶ አይብቀል "  እንዳለቸው እንስሳ መሆን ነው ።   ይህ ደግሞ፤  ሰውን  ከሰውነት ተራ  የሚያወጣ ብልሹነት ነው ። ከንቱነትም ነው !
 "ከእኛ በኋላ ፤ የኋላ ልጅ  ይጨነቅበት! " ያሉ መሪ እንደነበሩ፤   የዕድሜ ባለፀጋ የሆኑ አዛውንት ፤ በፀፀትና በሀዘን የናጋራሉ ይባላል ፤ ዛሬ! የነበሩት መሪ፤ ይኽንን  በእርግጥ አሉ አላሉ ሌላ ጉዳይ ቢሆንም፤ ሀገሪቱና ሕዝቧ አሁን  ለደረሰባቸው ችግር ግን መፍተሄ አልሆነም። ወደፊት ለሚመጡ መሪዎች ግን ፤ " የሄዱትን ያየኽ ተቀጣ" የሚል ማስጠንቀቂያ ለመንገር ይረዳ ይሆናል   አርቆ አሳቢና ብሩኅ አዕምሮ  ለተሰጠው !
አለመታደል እየሆነ ነው መስል፤ የሚመጣው ሁሉ ግን ከታሪክ  መማርን አልፈለገም፡፡ ሀገሪቱንና ሕዝቧን ወደ ተሻለ ዕድል ለመምራት፤ አዲስ  ምዕራፍ ቢከፈትለትም እንኳን ፤  ቅድሚያ የሚሰጠው ለራሱ ክብርና ሥልጣን እንጅ፤  ለሀገርና ለሕዝብ ጥቅም አይደለም።   የኢትዮጵያ መንበረ ሥልጣንን፤ የቱን  ያኅል ጣፋጭ ቢሆን ነው?  በሀገራችን ሥልጣን የጨበጠው ሁሉ ፤ ከያዘው ሥልጣን ፤ካለሞተና ካልተባረረ በስተቀር፤ ለምን   ፈቅዶ በሠላም የማይወርደው ? ።  ይኽ ጥያቄ፤  ሁሉን ዜጋ  የሚያስገርም  ከሆነ ቆይቷል  ። መልስ ግን አልተገኘለትም።  መሪ ሆኛለሁ የሚለው ሁሉ፤ በሠላም ሥልጣኑን ላለመልቀቅ የሚሰጠው ምክንያት ደግሞ ፤ ራስን  ለመታለል መሠረት ያደረገ ግብዝነት ነው ።
 ለአለፉት አምሳ  ዓመታት   በኢትዮጵያ የፖለቲካ መልከዐ ምድር  የተፈራረቁት አገዝዞች፤ወደ ሥልጣን ለመምጣትና ለመቆየት የየበኩላቸውን ምክንያቶች አቅርበዋል። እነዚህን ምክንያቶች፤ ለሥልጣናቸው ማጠየቂያ ( ) ተጠቅመውባቸዋል ።    ምክንያቶቻቸው እንደሚከተሉት ተመዝግበዋል 
አንደኛው፤   የመንግሥትን   ቅብዐ -ቅዱስ ፤ ከመለኮት እጅ ተቀብቻለሁ። እንደ ልቤ አንቀጥቅጨ፤ እስክሞት እንደጋዛም  ተፈቅዶልኛል ። የሚል ነበር። ያ ሥርዓት ግን አማሟቱን እንኳ ሳያሳምር፤ ዘር ሳያስቀር ፤ ሀገር ሳያተርፍ ፤  ከሰመ ።   
ሁለተኛው ፤   የታሪክ ግዴታ  ተሰጥቶኛል ።  ግዴታየን  እስክወጣ፤  ሕዝብ ጨርሸ፤ ሀገር አጥፍቼ፤  እቀጥላለሁ እንጅ፤ ከሥልጣኔ አልወርድም   ብሎ ሲወራጭ፤  ሀገሪቱን ለሌላ አጥፊ ቡድን አስረክቦ ሸሸ። የሞት ሞት ሞተ። በዕስመ  ዐብዮት፤ ኅልቁ መሳፈርት ትውልድ መትሮ ሄደ። ኣጥፍቶ ጠፋ ። የታሪክ ምፀቱ ግን፤ ዛሬ፤ በዚህ አስከፊ ሥርዓት ወስጥ የነበሩ ወንጀለኞች፤ አንዳቸውም  ለፍርድ አልቀረቡም፡፡
ሦስተኛው ፤  የብሄር ነፃ  አውጭነት ውክልና አግኝቻለሁ ብሎ ፤  የብሄርን ለምድ በመልበስ ፤ ከተፈለፈለበት  ጎሬው  መጣ ። በዕስመ- ብሄር ነፃነት ፤ ሀገር እየሸጠ፤ ሕዝብ እየከፋፈል፤ ዳር ድንበር እያስደፈረ፤ ሀብት ንብረት እያሸሸ፤  ዜጎች እያሰረ፤ እየገደለ፤ እያሳደደ፤ እያሳቃየ፤ አገዛዙን አንሰራፍቷል ።  የሀገሪቱና የሕዝቧ መከራና ስቃይም በአስከፊ ሁኔታ ቀጥሏል።   ከአምሳ ዓመታት ጀምሮ  የቀጠለው የሀገራችን ሁኔታ በአደገኛ  ፍጥነት እየተባባሰ  በመሄድ ላይ ይገኛል   የዚህ ምክንያቱ  ተፈራራቂ አገዛዞች ያመጡት ጥፋትና ጠንቅ ነው ። እንዲያውም፤ አሁንማ፤ የሀገሪቱ ኅልውና ጥያቄ አሳሳቢ ደርጃ ደርሷል ።
እነኝህ አጋዛዞች፤ በተጠቀሙባቸው  ማታለያ መክንያቶች የተነሳ፤  ዕድሜ ልክ በሥልጣን መቆየታችው ብቻ  ሳይሆን ፤ ገደብ -በለለሽ አምባገነንነት፤   ያሻቸውን ለማድረግ ማጠየቂያ ( ) እየሰጡ ሕዝቡን አታለሉት።፤   ሁሉም፤ በሕዝብ አመፅ   የሚወገዱ መሆናቸው ባያጠራጥርም፤  ጦሳቸው  ግን በቀላሉ አይወገድም። ጠባሳቸው ለሀገርና ለሕዝብ ተርፏል።   ጦሳቸው ወደ ተተኪው ትውልድ እንዳይተላለፍ፤ ምን መድርግ እንዳለበት ተብሎ ለማስብ ደግሞ አይቻልም።  ምክንያቱም፤ በወቅቱ ያለው ዜጋ፤ ራሱን ከችግር ለማውጣት ስለሚፍጨረጨር፤ ስለተተኪው  ትውልድ  ለማሰብ አይሆንለትም።  " ራስ ሳይጠና፤ ጎተና ! "  እንደሚባለው፤  ለራሱ  የዕለት ጉርስ የዓመት ልብስ፤ መጠለያና መጠጊያ የሌለው ሕዝብ፤ እንዴትስ ለነገው ትውልድ ያስባል ተብሎ ይታሰባል ?
ለዚህ ዋናው ምክንያት ደግሞ፤  ራዕይ ያለው መሪ ስለማያገኝ ፤  ተተኪው   ሥርዓት ምን መሆን አለበት ? የሚለውን ጥያቄ  ለመመለስ ይቸገራል ።  ለነገው  ዕድል ዛሬ ካልታሰበበት  ደግሞ፤ የትላንቱን ችግር ወደ ነገው ማስተላለፍ ነው።  የዛሬን ችግር ዛሬ ካልቀረፈቱት ፤ ዕዳን፤ ወደ ዞረ ድምር  ማወራረድ ይሆናል  ። ይኽ ደግሞ  ሀገራችን ኢትዮጵያ  "ኣድሮ ጥጃ " ከመሆን አያስመልጣትም ። ዕድሜ-ልኳን ፤ ዝንተ-ዓለሟን፤  ከዘለዓለም  ችግሯ  መውጣት አለባት ከተባለ፤ ለመፃዒ- ዕድሏ ዛሬ ሊታሰብላት ይገባል ። ይህ ኃላፊነት ደግሞ፤ የሁሉም የሀገሪቱ ዜጎች እንጅ፤  ለተውሰኑ ድርጅቶችና ቡድኖች ብቻ የሚተው አይደለም።  የሀገርን  ዕጣ- ፋንታ፤ ለሞግዚት አይሰጥም ።  
 " ሀገር  የጋራ ናት " እስከተባለ  ድረስ ፤ የሀገር ኃለፊነትና ግዴታ፤ መሥዋዕትነቱም ጭምር የያንዳንዱ ዜጋ ድርሻ  ከመሆን አያልፍም     አንዱ በሌላው ላይ ጣት ቢጠቃቆም፤ ሌላውም አንዱን ለመጥለፍ  ቢጣጣር፤  የጋራ ጥፋትን እንጅ፤ የሀገር  ደኅንነትን  አያመጣም  ። ዕቅጩን እንናገር ከተባለ፤ እስካሁን የተሄደው ሂደት ከዚህ ተግባር ነፃ ያወጣ ነበር ለማለት አይቻልም። እኛ፤ ከአጉል ይሉኝታ ይልቅ፤ ዕውነቱን ተናግሮ ከማሸበት ማደርን መርጥናል ።  ሁሉንም ፤ታሪክ ይፍረድ  !
 ለኅሌና ዳኝነት የተሰየመ፤  ፈርድ ለግጫ ነውና፤   ለግጫ ይፍረድ !  ሀቀኛ ልሣን ያለው፤ ሀቁን ይናገር !  የኅሊና ብይን የሰጠና ሀቁን የተናገረ፤  ራሱን  ከኅሊና ወቀሳ ነፃ ያደርጋል  ። ኢትዮጵያ ሀገራችንም የምትፈልገው፤ የኅሊናቸው ተገዥ የሆኑትን ዳኞችንና መሪዎችን ነው። ይህንን ዕድል ያላገኘ ሕዝብ፤ መላ ህይወቱን ከመከራ አይላቀቅም ።
የኢትዮጵያ ሕዝብ ፤ቀደም ብለው የነበሩትን ሁለት አገዛዞች ለመጣል  መራራ ትግል አካሄዶ ያመጣቸውን ለውጦች፤ሳይጠቀምባቸው ቀረ። አልተዘጋጀም ነበርና ! ባለመዘጋጀቱም ዕድሉን ለወራሪዎች አስረከበ። በቀጣፊዎች ተታለለ።  በብልጦች ተበለጠ። በእበለ- ባዮች ተጠለፈ።  ባለመንጠቀቁ ምክንያት ያገኘውን  ሕዝባዊ ድሉን ተነጠቀ።  
 ሁለቱ አገዛዞች፤  (የሆናሉ ተብሎ አልተገመተም እንጅ)፤  በዕርግጥም፤ ለሀገርና  ለሕዝብ አሳቢዎች ሆነው ቢሆን ኖሮ፤ የተገኘውን ለውጥ፤  ለራሳቸው  ከንቱ ሥልጣንና ክብር ማዋላቸው ቀርቶ፤ ለሕዝብና ለሀገር ጥቅም አውለውት ቢሆን ኖሮ ፤  ታሪክ፤ ልዕልና የሚያጎናጽፋቸውን ክብር  ባገኙ ነበር።  ያ ሳይሆን  ቀርቶ፤    " ለአህያ ማር አይጥማትም  ! "   ሆነና፤ " ከአልጋ ሲሏቸው አምድ ላይ ተንከባልለው "  ቀሩ ።  ዛሬ እኛን የሚያስጨንቀን ፤ እነርሱ  አመድ መሆናቸው ሳይሆን፤ የሀገራችን ዕጣ -ፈንታ  አሁን ከደረሰበት ደረጃ መውደቁ  ነው ።   
ያልተደራጀ፤  ያልተዘጋጀ፤  ያልተጠነቀቀ፤ የልተባበረና ያልተሳሰበ ሕዝብ፤ የውስጥ አምባገነኖችና የውጭ  ባዕዳን ተጠቂ ከመሆን አይድንም።  የኛም ሀገርና ሕዝብ ፤ የዚህ ሁኔታ ተጠቂዎች ናቸው።  ከዚህ መከራ የሚወጡበት ብልኀቱ ጠፍቶባቸዋል ። መፍተሄው ተሰውሮባቸዋል  ። መፍተሄው ደግሞ ያለው በዕጃቸው ነው ። ጨቋኝ ሥርዓትን፤ በአመፅ ማሰወገድ የሚፍተሄው የመጀመሪያ ምዕራፍ ነው ።  ይህ ምዕራፍ ካልተከፈተ፤ የተስፋው ጭላንጭል አይገኝም ። ያን ለማግኘት ደግሞ ፤ በመራራ ትግል ላይ  የተመሰረተ መሥዋዕት  መክፈልን ይጠይቃል። "ያለ መሥዋዕት፤ ስርዕየት አይገኝምና !  "    
የኛ ጭንቀት-ጥበታችን፤፤ ዕንቅልፍ ማጣታችንና  ቁጭታችን፤፤  ይበልጡኑ ከበድ  የሆነብን፤ ያ ሁሉ  መሥዋዕት ተከፍሎ፤  የሀገራችን  ኅልውና ዛሬ አጠያያቂ ሆኖ መቅረቱ ነው። የሀገሪቱ ታጋይ ሠማዕታት አልቀው፤ ምድረ ተገንጣይና አስገጣይ በለስ ቆንቶት ሀገራችንን ሲቆራርሳት ማየት ፤ ከምንችለው በላይ ሆኖብናል። ትግሉ መቀጠል አለበት የምንለውም ከዚህ መሠረታዊ  ዕምነት በመነሳት ነው 
የፋሺስት ኢጣልያ ወረሪ ሠራዊት፤ ከሀገራችን ከተባረረ ከ 1933  ዓም ጀምሮ  እስክ 1966 ዓም  ድረስ  የነበረው ትውልድ፤ ለመላው  የኢትዮጵያ ሕዝብ በለውለታው መሆኑን ተግንዝቦ፤ ከደረሰበት ችግር ለማላቀቅ፤ ከባድ መሥዋዕት ከፍሎ በለውለታ መሆኑን አስመስክሯል ። ሁሉም የኢትዮጵያ ሕዝብ፤  እየራበው ሳይበላ ፤ እየተራዘ ሳይለብስ፤ እየተጠማ ንጹህ ውሃ ሳያገኝ፤  ለህመሙ  ህክምና ሳያገኝ፤  መንገድና መጓጓዣ ሳይኖረው፤ ያን  ትወልድ፤ የመንግሥት ግብር እያከፈለ በነፃ አስተምሯል። ከአንደኛ ደረጃ  እስከ  ዩኒቨርስቲ ድረስ  አስተምሯል  ። በልዩ ልዩ የትምህርት ተቋማት በሚሰጠውን  ሙያ እንዲሰለጥን አድርጓል ። ጫማና ልብስ እየቸረ በአዳሪ ትምህርት ቤቶች  አስግብቷል ። ይኽ ሁሉ ሲኖን፤  እርሱ ራሱ ግን ከሙታን በላይ ከኅያው በታች  በሆነ ኑሮ እየኖረ ነበር። የገጠሬውን አስከፊ ኑሮ  በሚገባ የሚገነዘበው  ከገበሬው ጋር  የኖረ ብቻ ነው።
ይኽ ታላቅና ለጋስ ሕዝብ፤   ሳይተርፈው  የለገሰ ፤ ሳይኖረው የቸረ፤ ተብድሮ ያስተማረ፤  ቸር ሕዝብ ነው። ከድኅነት፤ ከረሃብ፤ ከበሽታና ከማይምነት  መላቀቀ አለበት ብሎ የተነሳው ፤ ያ ትውልድ፤ ውለታውን ለመክፈል ተንስቶ ሕዝባዊ ፍቅሩን   በመሥዋዕት አስመስክሯል   አንድ ትውልድ፤ ለሚወደው ሕዝቡ ሊከፍለው የሚችለውን  ከፍተኛ ውለታ የሚገልጸው፤ የህይወት ዋጋ እስከመክፍል ድረስ ነው።  ያ ትውልድ፡ ይህንን አድርጓል 
በ1966 ዓም  ታላቁ  የኢትዮጵያ አብዮት ሲፈነዳ፤ የህዝቡ ደጋፊ-ተሳታፊ ለመሆን፤ በመላው  ዓለም ሀገሮች ባሉ ዩኒቨርስቲዎችና  ከፍተኛ የትምህርት ተቋማት  ሲማር የነበረው ወጣት ሁሉ ወደ ሀገሩ ተመለሰ።  ሕዝቡን ለማገልገል ።  ሀገርን ለመጥቀም ከያለበት ወደ  ኢትዮጵያ ጎረፈ።  ለሕዝብ ሲል እንደ ቅጠል ረገፈ።  ፀላዒ- ኢትዮጵያም ግን፤ ተደሰተ። ጮቤ ረገጠ። አንድ ትውልድ ሲመተር ፤ የሀገራችን ጠላቶች ዕልል አሉ !
በአዲስ አበባ ዩኒቨርሲቲ ውስጥ ሲማሩ የነበሩ ጠባብ ብሄረተኞች ግን  የመላውን ሕዝብ ዓላማ በመክዳት ፤ ወደ ትግራይ በመሄድ ፤ ለዕኩይ ተግባራቸው ማስፈፀሚያ ተንኮለቸውን መጎንጎን ጀመሩ። ለዕቅዳቸው መሳካትም  የተፈጠረውን ግርግር ተጠቅመው ሀገራችንን ለመገንጠልና ለማስገንጠል በቁ ። ሰኔነና ሰኞም ገጠመላቸው። 
የኢትዮጵያ ሕዝብ ግን፤ ይህ አደጋ የከሰታል ብሎ አላሰበም። የትግራይ ልጆቻችን ፤ ኢትዮጵያን ይከዷታል፤ ይጎዷታል፤  ይገነጥሏታል ብሎ አላሰበም ነበር።  የሆነው ግን ይኽ ነበር ! ባለመዘጋጀቱ፤ ተዘናጋ ። ባለመንጠንቀቁ፤  ተበለጠ ። ባለመደራጀቱ ተጠቃ ። መሪ ባለማውጣቱ፤ ድሉን ተነጠቀ።   ባለመተባበሩ ተዳከመ።  ተዳክሞ ስለአገኙት፤ ተገንጣይ-አስገንጣይ ግባቸውን መቱ።
ከአምሳ ዓመታት በኋላስ ዛሬ ሀገራችን በምን ሁኔታ ላይ ትገኛለች? ያለችበትን ተጨብጭ ሁኔታ ሁሉ ዜጋ ስለሚያውቀው  ፤ መልሱን ለመዘርዘር፤ አስፈለጊ አይሆንም። ግን አንዳንድ ኩነቶችን  ለማስገንዘብ   ግድ ሊሆንብን ነው።
1ኛ.  ሕዝባችን፤ ዛሬም  እንደትላንቱ፤ በብቃት ተደራጅቶ፤ የተቃጣበትን የኅልውና አደጋ ለመከላከል  በሚችልበት ደርጃ ላይ አይደለም ።
2ኛ.  ለምን የሚባሉትን  ምክንያቶችን፤ በጥልቀት፤ መመርመርና መፍተሄ መፈለጉ ይዋል ይደር የሚባልበት አልሆንም። የመፍተሄው ፍልጋ ሂደት ግን ፤ ለወቅታዊ ስብስባ ፍጆታና ከየግል ድርጅቶች ጠቅሜታ በላይ ሊሆን ይገባል 
3ኛ.  ዞሮ ዞሮ፤ የፖለቲካ ጥያቄ የሚፈታው፤ ሰጥቶ በመቀብልና ተናግሮ በማዳመጥ፤ ተቻችሎ በመግባባት ፤ እንጅ፤ ጥሎ በማለፍ፤  ገጭቶ በመጥለፍ፤  ሮጦ  በመቅደም፤ በብልጣ -ብልጥነት አይደለም ፡ ይህ ሁሉ እስካሁን ተሞክሮ ፋይዳ አላመጣም ።    ይህ እንደተጠበቀ ሆኖ ፤ የመጨረሻው ወሳኝ ግን ፤ የኃይል ሚዛን ጉዳይ  ነው ተብሎ ይገመታል።
4ኛ. የሀገርንና የሕዝብን ታማኝነት ማዕከል  ያላደረግ ማነኛውም እሳቤና  ድርጊት የትም  አያደርስም   በመላዕክት ቋንቋ እየተናገሩ፤ የአጋንንትን  ድርጊት መፈፀም፤  የሕዝብን ርግማንና ጥላቻ ከማትረፍ በቀር  እርባና  የለውም 
 5ኛ.   ቀደምቱን  የትግል ታሪክ ፤  እያጣጣሉና እያንኳሰሱ  መገኘት ብቻውን ለአዲሱ  ትውልድ ማስተማሪያ አያገለግልም። አፍራሽ ሚና ግን ይጫወታል ።ወገንተኛ የሆነ ሁሉ አፍራሽ ሚና እንዲጫወት አይጠበቅበትም 
5ኛ  " ጠላቱን በሚገባ ያወቀ፤ 100 ጦርንቶችን ሳይቸነፍ  መዋጋት ይችላል ።"   እንደተባለው፤   የኢትዮጵያ ሕዝብ፤ ዕውነተኛ  ወዳጁንና ጠንቀኛ ጠላቱን አውቆ   ካልተረዳ፤ ምን ጊዜም ቢሆን፤ የተሟላ ነፃነቱን አያገኝም ። መጀመሪያ  ራስን ማወቅ፤ ጠላትን ለማወቅ ይጠቅማል ።
6ኛ.  ለሕዝብ ያልቆመ ፤  ለኢትዮጵያ ያልሆነ፤   በሕዝብ የተተፋ  ሥርዓት፤  በሕዝባዊ አመፅ መደምሰሱ አይቀሬ ነው። ድምሰሳውን ለማጣደፍ ግን ፤ በብቃት ተደራጅቶ መገኘት ወሳኝ መሆኑ መረሳት የለበትም ።
ወያኔን  ለማስወገድ ፤ ተባብሮ ከመታግል የተሻለ አማራጭ  የለም!

ኢትዮጵያ ለዘለዓለም ትኖራለች  !